«24-ժամյա գրադարանի» մրցույթ

Երևանի Մ. Հերացու անվան պետական բժշկական համալսարանը և Հայաստանի ճարտարապետների միությունը հայտարարում են «24-ժամյա գրադարանի» նախագծի բաց մրցույթ: Գրադարանը նախատեսվում է կառուցել համալսարանի լաբորատոր մասնաշենքին կից՝ Հերացու փողոցի կողմից՝ արդեն գոյություն ունեցող մեկ հարկանի կառույցի տանիքի վրա: Նորակառույց գրադարանը կներառի նաև լաբորատոր մասնաշենքի երկրորդ հարկում գործող գրադարանի տարածքը: Բուն գրադարանի կառուցումից և ներքին դիզայնից բացի՝ անհրաժեշտ է նաև մասնաշենքի ճակատը հարդարել ժամանակակից էլեմենտներով:

Աշխատանքները ներկայացվում են 2 պլանշետով (100×70). հիմնական գծագրերը՝ գրադարանի հատակագիծը, մասնաշենքի ճակատը, կտրվածքը 1:100 մասշտաբով, լրացուցիչ, օգնող մանրամասներն՝ ըստ հայեցողության: Ցանկալի է՝ աշխատանքը ներառի նաև հեռանկար Երևանի տարբեր հատվածներից: Մասնակիցները ազատ են օգտագործվող նյութի ընտրության հարցում: Մասնակիցները, ովքեր գտնվում են արտերկրում, աշխատանքները կարող են ներկայացնել նաև pdf տարբերակով: Աշխատանքները և հեղինակների անունները ներկայացվում են փակ ծրարով՝ վեցանիշ ծածկագրով: Մասնակիցների գնահատումը կկատարվի ըստ ներկայացված աշխատանքի արժեքի:

Համալսարանը չի երաշխավորում մրցույթում հաղթած աշխատանքների կառուցումը: Մրցույթում հաղթած  հեղինակի աշխատանքի օգտագործման նպատակով կկնքվի օրենսդրությամբ սահմանված պայմանագիր:

Մրցանակներ ստացած աշխատանքների նյութերը համարվում են ԵՊԲՀ սեփականությունը:

Մրցույթում հաղթած մասնակիցների համար նախատեսվում են մրցանակներ՝

• Առաջին մրցանակ – 300,000 դրամ
• Երկրորդ մրցանակ – 200,000 դրամ
• Երրորդ մրցանակ – 100,000 դրամ

Հայտարագրման և աշխատանքների ներկայացման ժամկետը՝ 15.06.2018: Աշխատանքները ներկայացնել ԵՊԲՀ մարքեթինգի բաժին՝ ժամը 10:00-ից մինչև 18:00: Մրցույթում հաղթողների անունները կհրապարակվեն 22.06.2018: Մասնակիցները կարող են ստանալ անհրաժեշտ նյութերը (լուսանկարներ, հատակագիծ) ԵՊԲՀ մարքեթինգի բաժնից (ԵՊԲՀ լաբորատոր մասնաշենք, առաջին հարկ):

Մրցանակի չարժանացած աշխատանքները վերադարձվում են մրցույթի մասնակիցներին:

Ժյուրիի կազմը՝

Արմեն Մուրադյան – ԵՊԲՀ ռեկտոր

Դրաստամատ Խուդավերդյան – ԵՊԲՀ ֆիզիոլոգիայի ամբիոնի վարիչ

Ալեքսանդր Բադալյան – ՀՃՄ առաջին փոխնախագահ

Տիգրան Բարսեղյան – Երևանի գլխավոր ճարտարապետ

Սաշուլ Քալաշյան – վաստակավոր ճարտարապետ

Ասլան Մխիթարյան – վաստակավոր ճարտարապետ

Լիանա Քյուրքչյան – ճարտարապետ

Հարցերի և այլ մանրամասների համար զանգահարել՝ +374 11 621 000 (471)

24-hour Library project

Yerevan State Medical University after Mkhitar Heratsi and Armenian Union of Architects announce an open competition of “24-hour Library” project.

The library is planned to be built on the roof of an existing one-store building on Laboratory building.

The University does not guarantee the construction of the winner’s project. There will be an official agreement signed between the winner of the competition and university. 

The materials of the awarded works are considered as the property of YSMU. The materials of the awarded works are going to be the property of YSMU.

The following are the prizes for winners:

• First place – 300.000 AMD
• Second place – 200.000 AMD
• Third Prize – 100.000 AMD

Deadline for submitting projects: 15.06.2018. They should be submitted to YSMU Marketing Department from 10:00 to 18:00. The winners will be announced on 22.06.2018. Participants can get the necessary materials (photos, layout) from the YSMU Marketing Department (YSMU Laboratory Building, first floor).

For more information, please contact the Marketing department:  +374 621 000